Teknologia berriak irakaskuntzan

08.5.15

2008-05-15T07:24:00.000-07:00

Gaurko egunean, arinagoko astean egin genuen power pointera bueltatu eta bertan, lehenbizi titulua jarri eta trantsizioa sartu dugu. Bai hitzei eta baita diapositibari ere nola jarri ikusi dugu. Ondoren borobil bat eta karratu bat egin eta trantsiziozko mugimendua jarri diegu. Hauek lagungarri izango zaizkigu lana eratzeko orduan.

Teoriako klasean, azterketaren puntuetan sakondu eta akordio batera heldu gara.

08.5.9

2008-05-09T09:44:00.000-07:00

Teknologiak edo metodologia?

Bideoan ikusi ahal izan dugun bezala, teknologia berrien munduan murgiltzea ez da bakarrik teknologia horiek ikasgelan sartzea. Planteatzen diren helburuak lortzeko baliagarriak izateko beharrezkoa da metodologian zentratu eta honi buruzko hausnarketa sakona egitea. Hezkuntzaren eraginkortasuna metodologiaren aldakuntzan egongo litzateke, eta horretarako denen esku hartzea beharrezkoa da. Prozesu honen aldeko jarrera positiboak eta kooperazioan gogor lan egiteak aurrera eramango du metodologia berri baten aplikazioa.

Gaur egun eskoletan ikusi daiteke ikuspegi eta kontzepzio aldaketa hori, gehienetan irakasle gazteenetan nahiz eta asko izan nagusiak mugei aurre egiteko prest daudenak. Izan ere, teknologiei dagokienez, hauekiko zailtasunak eta metodologia berriak aplikatzeko uzkur ageri direnek, behartuta sentitzen direlako besterik ez dituzte erabiltzen. Baina hauek teknologiei ematen dieten erabilera bideoan ikusitakoaren antzekoa da, hau da, beraien betiko metodologia aldatu gabe teknologia berrietan islatzen dute. Ondorioz, honek ez dakar inolako aurrerapausurik hezkuntzan. Hala ere, kontutan hartzekoa da ez dela erraza gauza berriak bat-batean ikastea, batez ere ez dakizunean nola. Horretarako beharrezko irakaskuntza eskaini beharko zaie irakasleei eta bestelakoei.

Bukatzeko, esanak esanda geratu diren arren, eskoletan hezkuntzak lortu nahi dituen helburuak betetzeko bidean astiro baina trinko doazela aurrera.

08.5.8

2008-05-09T09:34:00.000-07:00

Gaurko egunean Power Pointaren erabileran trebatzen aritu gara. Hau da, irudiak egiteaz gain, estekak egin ditugu, orri ezberdinetara nola joan, suinuak jartzen eta grabazioak egiten ere ikasi dugu. Honela bada, irudi bat edo hitz bat klikatuz beste orri batera nola joan ikusi dugu. Haurrentzako ariketa bat eratu dugu, gure lana egiten dugunerako erabilgarri izango zaiguna. Amaitzeko, ordenagailuan bertan gorde dugu eginiko lana.

Ostean, bideo bat ikusi eta berari buruzko iruzkina egin beha dugu. Baita artikulu bati buruzkoak irakurri eta komentatu.

08.5.9

2008-05-09T08:04:00.000-07:00

"Ordenadores en el aula"

http://ordenadoresenelaula.blogspot.com/2008/02/el-desarrollo-de-competencias.html

Orrialde honetan agertzen den artikuluari erreferentzia eginez, esan genezake hezkuntzaren helburu nagusietako bat ikasle autonomoa, kritikoa, parte hartzailea... sortzea dela. Hau orain dela urte batzutatik ona eta etorkizunerako helburu da bederen. Beraz, hezkuntzaren metodologia, baliabide... aldatzen doazen arren, azkenean lortu nahi dena ez da ezberdina. Gaur egunean, teknologian ari gara zentratzen eta ikastetxeetan bidea ematen. Ezinezkoa da egunetik gauera gauzak aldatzea, baina astiro-astiro aurrera egiten ari den prozesua da.

08.4.25

2008-04-25T08:44:00.000-07:00

Egun honetan etiketa zerrenda bat sartu dut, horretarako helbidea honetan agertzen ziren pausuak jarraitu ditut: http://blogandweb.com/2007/03/06/nube-de-etiquetas-en-el-nuevo-blogger/

Ostean, http://ordenadoresenelaula.blogspot.com/search/label/Actividades%20TIC%20aula ko testu irakurri eta honi buruzko iruzkin bat osatu dut. Artikulu honek zer pentsa eman dit ikasgelan teknologia berriei ematen zaien erabileraz.

Txurdinagako IES erabiltzen diren teknologia berriei buruzko bideoa:

08.4.25

2008-04-25T08:08:00.000-07:00

Ikasgelan IKTak duen eragina pedagogian

Teknologia berriak ikasgeletan areagotu egin dira, gaur egunerarte. Baina baliabide hauei eskainitako funtzio didaktikoa eta ikasleentzako ariketak ez dira berrikuntza pedagogikoa. Iada existitzen den pedagogian oinarritzen dira ikasgaiak, hau da, modelo tradizionalean eta ez soziokonstruktibista. Azken hau delarik lortu nahi dena. Teknologiak unitate didaktikoak, ariketak, aurkezpenak, informazioa aurkitzeko, emailak bidaltzeko eta administraziorako erabiltzen dira. Alde batera uzten direlarik konplesutasun eta gaitasun handia eskatzen duten beste erabilerak: material didaktiko digitalak, irakaskuntzarako materiala... garatzea eta sortzea eta eskolen artean proiektuak garatzeko.

Niretzako ideiarik aipagarriena, teknologia berriak ikasgeletan sartu izanagatik ez zaizkiola pedagogia berri bati ateak ireki, izango litzateke. Teknologia berriak integratu dira, existitzen den pedagogia aurrera eramateko erabili da. Eta hau oso esanguratsua iruditu zait, integratu egin dituztelakoan, azalean bakarrik gelditu baita.

08.4.24

2008-04-24T05:54:00.000-07:00

Gaur gure blogean bideo bat nola sartu ikasi dugu. Ondoren binkuluen lista erabiliz gure gelakide guztien blog helbideak sartu ditugu. Gelan teknologia berriek hezkuntzan duten eraginari buruzko eztabaidari hasiera eman aurretik, bideo bat ikusi dugu. Bertan teknologiek irakaste-ikaste prozesuan izan ditzazketen eraginak jarri dira esanetan. Hauen bidez, ikasleak beraien hezkuntzaren eragile izango dira, baina horretarako irakasleen rola ere aldatu beharra dago.

ARIÑO, TERUELEKO HERRIAN IKASGELA DIGITALAK

Ikusi ahal izan dugunez, Terueleko herri txiki batean ordenagailuen bidezko hezkuntzak aurrera egin du. http://www.informesemanal.tve.es/?go=e5911a8f3a240786c19429278dceea2c6c449370c8d478174dc358e3ec0a3b03ccf13e1416246ca073fb4e1a3fb7c4bb69d91ced8f020d22f02419460291ae1bafed7e1f014da74e02a3b490f408d259c779f23eb3680234

Gela digital hauetan, irakasleak arbel digitala erabiltzeaz gain, ikasleek ere ordenagailua dute materialtzat. Ordenagailuen bitartez, ariketak egien dituzte, beste ikasleekin harremanetan jartzen dira... Honen bidez, ematen diren gaiak eta hauei dagozkien azalpenak aktiboak dira, eta ikasleen parte hartzeaz ez dago dudarik. Horrela ikasleak beraien irakasle izan daitezen bultzatu nahi da, autonomo bihurtuz.

Herri txikiek zenbaitetan ez dute herri handiek izan ditzazketen baliabideak eskura, museoak, egunkariak... Beraz, herri txikietan sortzen den beharrizana hain da haundia, beharrezkoa dela horrelako aldaketa bat egitea. Gaur eguneko munduan atzean gelditu nahi ez badute eta ikasgaietarako beharrezko dituzten baliabideak eskura izateko ezinbestekoa da. Herri handietan aldiz, posibilitateak anitzak direnez, ez da ordenagailuz soiliko irakaskuntza finkatzeak ekar ditzakeenetan harrizkatzen.

Halaber, irakasleek esfortzu handiagoa egin behar dute, ikasgaiak prestatu, unitate didaktikoak finkatu, ariketa egokiak aukeratu, materiala sailkatu behar dute besteak beste. Guzti honekin irakasleak ikasleen gidari izan nahi du.

Ikasleak autonomiaz aritzeaz gain, dinamikoak, parte hartzaileak sortzen dira, materialak aukeratu eta aztertzen, kritikoak izaten eta hausnarketak egiten ikastean dute, baita txikitatik teknologia berriekin aritzeak beraietan trebatzea dakar.

Nire ustez teknologia hauek ikasleak beren buruaren irakasle izateko baldintzak ahalbidetzen dizkiete. Irakasleak prestaturik egonez gero, ikasgai motibagarri eta dinamikoak sor ditzazke, irudi mugikorrak, musika... sar daitezke. Ikasleek bere aldetik, ikaskuntzan eskuhartze handiagoa dute. Gainera, txikitatik teknologia berri hauekin harremanetan egoteak, etorkizuneko izaki bihurtzen ditu. Beste aldetik, alde txar bezala aipatuko nuke, bai irakasle eta bai gurasoen formakuntza bat behar dela, irakasleek lan gehiago egin beharko dute (hau ez delarik denen gustukoa izango). Ondo legoke honelako ikasgela batean irakasle bezala aritzea, benetan dituen alde onak eta ez hain onak ikusteko.

Blogen aplikazio didaktikoa

2008-04-17T11:29:00.000-07:00

08.4.17

Gai honen inguruko informazioaren bilketan, artikulu interesgarri ezberdinak ikusi ditut. Hauetan, hezkuntzan blogen erabilerak dituen onura didaktikoak ageri dira.

Blogen bidez, ikasleek pentsatu, idatzi, parte hartu eta elkarren artean jakintzak banatzen dituzte. Ikasleak hezkuntzan aktiboki parte hartzeko aukera eskaintzen die, hauek informazioa partekatzen baitute eta beste norbaitek idatzitakoaren gainean iruzkinak egin ditzazkete. Honetaz gain:

- Kooperazioa eta elkarlaguntza bultzatzen dira, lanak garatzeko sasoian.

- Bere egiturak ikaskuntza aktiboa bultzatzen du.

- Testu-iruzkin eta RSSek, halaber, erraztu egiten dute irakasleen eta ikasleen arteko komunikazioa. Irakasleek segituan erantzun diezaiekete ikasleei.

- Baliabideek, esaterako, egutegiak lanak ordurako bidaltzea ahalbidetzen du.

- Blogek baliabide ezberdinak eskaintzen dizkiete ikasleei beraien garapenerako.

- Proiektuak nola doazen eboluzionatzen ikus daiteke.

- Ikasleek beraien iritziak ematen dituzte, web interesgarrienak adierazten dituzte, kritikak adierazten dituzte.

Blogek hezkuntzan erabilera ezberdinak izan ditzakete, portafolio elektroniko bezala, ikasle eta irakasleentzako web orria, talde lanean lan egiteko tresna, baita ikerketarakoa tresna bezala. Beraz, esan nezake hauen erabilera onuragarria izan daitekeela ikasgelan.

Hauek dira niretzako gai honekiko helbide interesgarrietako batzuk:

http://hezkuntzateknologia.wordpress.com/category/sekuentzia-didaktikoa/page/3/

http://blogrum.wordpress.com/
http://beriain.nireblog.com/
http://www.slideshare.net/nestoralonso/blogs-y-educacin
http://blog.educastur.es/blogs-y-educacion/uso-de-los-blogs-en-el-aula/

BLOGEN INGURUKO BIDEOA

Honetan ikus dezakegu, blogen aplikazioak izan duen eragina herrialde honetan. Hauen bidez, beraien hitza adierazi eta beste lekuetako jendeak ezagutu ditzan ahalbidetzen du.

08.4.17

2008-04-17T01:24:00.000-07:00

Gaur http://www.youtube.com/watch?v=Fnh9q_cQcUE helbidean sartu naiz bideo bat ikusteko, bertan IKTak hezkuntzan duen eragina ikusi ahal izan dut. Lehengo hezkuntzan eta gaur egunean eman diren ezberdintasun eta aurrerakuntzez hausnarketak eragin dizkit.

Lehengo hezkuntzaren bitartez haurrek fabriketan lan egiteko prestatzen ziren, baina gaur egun hezkuntzaren bidez, ikasleak biharko teknologiaren egile bihurtu nshi dira.
Ondoren aurreko astean eginiko Blogean argazkia ipintzeaz gain, erlojua sortu dugu. Horretarako urrats hauek jarraitu ditugu: Personalizatu/ diseinua/ add a page element/HTML java script. Gero erlojua aukeratu eta kodea bilatzeko helbide honetan sartu naiz: http://www.clocklink.com/gallery_wlppr.php
Ostean, Blogen informazio didaktikoari buruzko informazioa aurkitu eta kuskuzeatu dut. Interesgarrienak iruditu zaizkidan helbideak gorde eta hauen inguruko iruzkina eratu dut, linkak jarriz.

08.4.10

2008-04-10T06:52:00.000-07:00

"Teknologia berriak eguneroko bizitzan", honi buruzko bideoa ikusi ostean, esan genezake internetaren bidez imagina genitzakeen gauza gehienak egin ditzakegu. Teknologiek aurrera egin ahala, ordenagailuak eta internetek, batik bat hartuko duen aurrerakuntzaren eraginez, gauza oro egin ahalko ditugu. Gure gizartearen eboluzioa teknologiei hestuki loturik doa, hau da oraina eta etorkizuna.

08.4.10

2008-04-10T06:04:00.000-07:00

http://es.youtube.com/watch?v=OwWbvdllHVE helbidean Web 2.0-ri buruzko bideoa ikusi dut. Aurretiaz Web 1.0 zegoela ikus dezakeguhau kontsumitzeko sistema aurreratua zen. Honetan egileak informazioa publikatzen zuen eta bitartean kontsumitzaileak bilatu, erabili... egiten zuen. Web 2.0-rekin aldiz, denok gara egile eta aldi berean kontsumitzaile. Erabiltzaileek sortzen dute informazioa, hau elkartrukatuz eta denon artean parte hartuz.

Web 2.0 informazioa sortzeko sistema sozial bezala defini genezake. Beere ezaugarri aipagarrienak, erabiltzaile oro gara informazioaren ekoizle, web dinamikoa dela eta ezagutza denen parte hartze eta elkartrukaketaren bidez eraikitzen dela.

Bere aplikazioak Bloga, Flirck, RSS eta You tube dira. Hauen bitartez kontsumitzaileak nahi duen momentuan, nahi duenari buruz eta kalitatea eskatuz interesatzen zaiona ikus dezake. Emaleak aldi berean, informazio edo publizitatu nahi duen edozer jar dezake edozeinen eskura.

Honek bere aldetik, telebista, irrati eta egunkariak baztertuta geratzea ekar lezake. Beraz, emaleek publizitate modu ezberdinetara jo beharko dute, beraien produktuak kontsumitzaile espezifikoetara egokituz.

08.4.10

2008-04-10T01:20:00.000-07:00

Gaurko klasean Blogaren erabilera eta eraketa izan dugu gai. Honen bitartez, artikuluak edo albisteak, irudi eta soinuak publika ditzakegu. Edonork dohainik egin dezake egunkari elektroniko hau interneten. honen bidez, informazioa gorde, elkartrukatu dezakegu, beste blog batetik informazioa eguneratzeko, lanak egiteko, proiektuak garatzeko, kuaderno pertsonala egiteko balio du. Horretarako gaia pentsatu dugu, edukia adierazten duen izena, erabiltzait¡learen izena eta Blogger.com-en sartu eta hasi egin gara eratzen.

Ostean, Web 2.0ri buruzko bideoa ikusi eta iruzkina egin dut. Honetaz gain, "Teknologia berriak eguneroko bizitzan" titulupeko bideoaren inguruan ere hausnarketa egin dut.

Blog-aren eraketa

2008-04-10T00:47:00.000-07:00

2008ko Apirilaren 10a

Teknologia berrien irakaskuntzarako lehen bloga sortu dugu. Interneteko egunkari elektroniko honetan interesgarriak iruditzen zaizkigunak idatziko ditugu.

http://www.slideshare.net/euskaljakintza/teknologia-berriak-irakaskuntzan/ helbidean irakaskuntzan teknologia berriak nola ematen diren ikusi dezakegu. Gune honen helburua ikastola osoaren alfabetatze teknologikoa lortzea da, horretarako beharrezko ikusten dituzten pausuak adierazten dituztelarik.